فيه فرق كبير و واضح بين الخبره و السن و التعلم و التعامل
يعني ابقي صغيره احترم اللي اكبر مني و ابقي كبير احتقر اللي اصغر مني ده ملوش علاقه لا بالخبره و لا بالتعلم
ابقي صغير أو كبير احترم الاكبر و الاصغر مني ده احترام للذات
يعني ايه ؟؟...
مش معني اني عانت و شوفت كتير لحد ما وصلت للهدف اللي عايزه يبقي انا احسن من كل البشر و محدش قدامي يسوي شئ
و مش معني اني معنديش خبره تعامل و تعلم في حاجه معينه ده يدي الحق لحد انه يحتقرني و يقلل من قمتي او يستغلني
ممكن اكون صغير بس دماغي كبيره و ممكن اكون كبير بس دماغي صغيره
علشان ارتقي بنفسي لازم اتعلم احترم نفسي و احترم غيري ..مش علشان ده عنده خبره اكتر مني ابجله و اديله اكتر مما يستحق و لا ده اصغر مني اضحك عليه واتريق عليه
عندي خبره يبقي افيد اللي عايز يتعلم ..عدم خبرته و معرفته بشئ معين ده معيار ابدء معاه منين لحد فين مش معيار للاحتقار
هو عنده خبره و انا معنديش يبقي مسمحش ليه انه يستغلني و يحترقني في سبيل التعلم ..فيه غيره كتير محترمين يقدروا يفيدوني و في داهيه المغرور و المتكبر
ابدء بنفسك علشان تقدر تفيد و تستفيد
ابدء بنفسك علشان تعيش مرتاح
ابدء بنفسك علشان انت في ايدك المستقبل
ابدء بنفسك علشان ربنا يرضي عليك
